კურტუა:„თუ „რეალში“ აზარიც გადმოვა, მე ვიქნები ფანტასტიკურ ხასიათზე“
ტიბო კურტუამ „რეალის“ ფეხბურთელის რანგში პირველი პრესკონფერენცია გამართა...
„მსურს დღეიდან ძალიან დიდ სამუშაოს შევუდგე, ვინაიდან მსოფლიოს საუკეთესო კლუბში მოვხვდი. აქ თამაშზე დიდი ხანია ვოცნებობ, ახლა კი ყველაფერი რეალობაა.“
„ამ სეზონში გუნდს დიდი გამოწვევები ექნება. „რეალმა“ ჩემპიონთა ლიგა ზედიზედ სამჯერ მოიგო, რაც ამოცანას კიდევ უფრო ართულებს. ზედიზედ მეოთხე საოცრება იქნება, თუმცა აქ ხომ ყველაფერი შესაძლებელია. ვფიქრობ, ყველა ტიტულისთვის უნდა ვიბრძოლოთ.“
„დიდი ხანია ჩემი მიზანი „რეალში“ თამაშია. არაერთი შემოთავაზება მქონდა. მთავაზობდნენ ძალიან მაღალ ხელფასს და ასე შემდეგ, მაგრამ ჩემთვის უმთავრესი „ბლანკოსის“ მაისურის მორგება და შვილებთან ახლოს ყოფნაა, ვინაიდან ისინი დიდი ხანია მადრიდში ცხოვრობენ.“
„იკერ კასილიასი ჩემი კუმირი იყო. ჯერ კიდევ პატარა ასაკში ესპანელმა საოცრებებს მიაღწია, ყოველთვის მსურდა, რომ ის პირადად მენახა.“
„ვითამაშებ თუ არა „ატლეტიკოს“ წინააღმდეგ ევროპის სუპერთასის მატჩში ვერ გეყტვით, ამას მთავარი მწვრთნელი გადაწყვეტს. დიეგო სიმეონეს გუნდი ძალიან მიყვარს და დიდი პატივისცემა მაქვს. იქ ხომ ულამაზესი წლები გავატარე და დიდ პროგრესს მივაღწიე, თუმცა ახლა „ატლეტიკო“ უკვე ჩემი კონკურენტია.“
„ედენ აზარი? ის ფანტასტიკური ფეხბურთელი გახლავთ. თუ ჩემი თანემემამულე „ჩელსის“ დატოვებს და „რეალში“ ითამაშებს, ეს იქნება უდიდესი ბედნიერების მომტანი ტრანსფერი.“
„კონკურენციის არ მეშინია და მაქსიმუმის გამოვლენას ვგეგმავ. როდესაც „ჩელსიში“ მივედი ჩემი კონკურენტი ჩეხი იყო, მაგრამ მასთან კონკურენციას არ შევუშინდი.“
„რამოსმა ჩემპიონთა ლიგის თასი წამართვა და „რეალს“ მეათე თასი მოუტანა, მაგრამ ახლა მასთან ერთად ვგეგმავ ჩემპიონთა ლიგის მოგებას.“
„„ჩელსის“ გულშემატკივრებს დიდ მადლობას ვუხდი, ისინი მუდამ მხარს მიჭერდნენ. ზოგადად, პრემიერლიგაში დიდი გამოცდილება მივიღე, რომელსაც ახლა სამეფო კლუბს მოვახმარ.“
„მადრიდში ცხოვრება ძალიან კომფორტულია, აქ მე ოჯახი მყავს, რომელიც მაძლიერებს.“
- 10 აგვისტო 2018
- 5 853
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
