ხართ თუ არა ამ წუთისთვის საუკეთესო ფორმაში?

მე ძალიან კარგად ვთამაშობ. გასული სეზონის შემდეგ მსურდა, რომ რაც შეიძლება მალე აღმდეგინა უწინდელი ფორმა და კვლავ სერხიო რამოსი გავმხდარიყავი. ეხლა თავს ისევე ვგრძნობ, როგორც მაშინ როცა „მადრიდის რეალის“ მაისური პირველად მოვირგე. ეს ეხება როგორც ჩემს ამჟამინდელ ფიზიკურ, ასევე ფსიქოლოგიურ მდგომარეობას.

რას იტყვით „მადრიდის რეალზე“?

ჩემი აზრით ამჯერად საუკეთესო ფორმაშია ეს კლუბი. ნელ–ნელა ვიპოვეთ ჩვენი თამაში და ეხლა უკვე ვაჩვენებთ იმ ფებხურთს, რომელიც ასე იზიდავს ჩვენს გულშემატკივრებს. რაც მთავარია, ჩვენი თამაში ჩვენვე გვანიჭებს სიამოვნებას, ტიტულისთვის „ბარსელონას“ წინააღმდეგ გვიწევს ბრძოლა. ჩვენს შორის განსხვავება არ არის და ჩემი აზრით, ერთადერთი, რისი გაკეთებაც ეხლა გვევალება, არის ისე თამაში, როგორც ამას დღემდე ვაკეთებდით.

კლუბმა 28 თამაშში მხოლოდ 24 გოლი გაუშვა. თამაშში ერთ გოლსაც კი არ უშვებთ თუ საშუალოდ ვიანგარიშებთ.

პელეგრინმა დაწვრილებით და ნათლად აჩვენა ხალხს, თუ რაოდენ დიდი მნიშვნელობა აქვს ტაქტიკასა და კონცენტრაციას. დაცვის ხაზი ცდილობს, რომ რაც შეიძლება ნაკლები გოლი გაუშვას, რაც დამეთანხმეთ, რომ ძალიან ძნელია. სხვა დანარჩენი ხაზის მოთამაშეები კი ამ დროს ძალიან გვეხმარებიან , რაც გვაძლებს ასევე იმის საშუალებას, რომ კარგად ვითამაშოთ კონტრშეტევებზეც. წინა სეზონში ხალხი გვაკრიტიკებდა ჩვენი დაცვითი ტაქტიკის გამო , ეხლა კი ეს მათთვის საამაყო თემაა სასაუბროდ.

ალბათ ძალიან სასიამოვნოა იმაზე გაფიქრება, რომ შენს პოზიცის დაზღვევა სხვასაც შეუძლია, მაშინ როცა შენ შეტევაში ხარ ჩართული.

რა თქმა უნდა. წლების განმავლობაში სწავლობ ტაქტიკას. ეხლა , როცა შეტევაში მივდივარ თავს უფრო დაცულად ვგრძნობ, ვინაიდან ვიცი, რომ დამაზღვევენ.

თქვენ და ალბიოლი ერთმანეთს მშვენივრად უგებთ

ეს ძალიან კარგია, მას მე წლებია რაც ვიცნობ, იქიდან მოყოლებული, როცა ესპანეთის ახალგაზრდულ ნაკრებში ვთამაშობდით ერთად, ის, რომ ასე ახლოს ვართ ერთმანეთთან გვიადვილებს საქმეს. როცა მასთან ერთად ცენტრალურ მცველად ვთამაშობ თავს ძალიან კომფორტულად ვგრძნობ. ერთი შეხედვით ვხვდებით თუ რისი გაკეთება სურს რომელიმე ჩვენგანს, მაგრამ ეს სულაც არ ნიშნავს იმას, რომ მე ცუდად ვარ შეთანაწყობებული გარაისთან, პეპესთან ან რომელიმე მადრიდისტთან.

კლუბს საშუალოდ სამი გოლი გააქვს ერთ თამაშში. ალბათ უფრო დამამშვიდებელია, როცა წინა ხაზზე კრისტიანო და იგუაინი არიან?

რა თქმა უნდა , ეს ასეა. ეს ნებისმიერი კლუბის წინააღმდეგ გოლის გარანტიაა. გვესმის, რომ ორივე მათგანი ბრწყინვალედ თამაშობს, საუკეთესო სათამაშო ფორმაში იმყოფებიან და მათ ნებისმიერი კლუბის კარის აღება შეუძლიათ. „მადრიდის რეალს“ ყოველთვის ყავდა ფეხბურთელები, ვინც ასეთ რამეებს აკეთებდა.

ტიტულის მოსაგებად წინ კიდევ ათი შეხვედრის გამართვა მოგიწევთ. „ატლეტიკო“ თქვენი შემდეგ მოწინააღმდეგეა, ისინი ევრო თასებზე მოსახვედრად იბრძვიან...

„ატლეტიკო“ ამჟამად ძალიან კარგ ფორმაშ იმყოფება, ამიტომ დიდი ბრძოლის გადატანა მოგვიწევს მორიგი სამი ქულის მოსაპოვებლად. ჩვენ ამ ათი მართლაც რომ ფინალის ტოლფას შეხვედრებში შეცდომის დაშვების უფლება არ გვაქვს. ჩვენ ეხლა სიმშვიდე უნდა შევინარჩუნოთ და ფოკუსირება მოცემულ შეხვედრებზე უნდა მოვახდინოთ. ჩვენ მეტოქეებს ჩვენთან ცუდი დღე ელით, მათ პრობლემას ჯერ მარტო „სანტიაგო ბერნაბეუს“ პუბლიკა შეუქმნით.

დერბის დროს სტადიონზე არსებული სიტუაცია ძალიან მნიშვნელოვანია.

ეს ბუნებრივია. ჩვენ ჩვენი გულშემატკივრების მხარდაჭერა გვესაჭიროება. გვსურს, რომ ტიტული მოვიგოთ და ეს გულშემატკივრებს მივუძღვნათ.

ვის გამოარჩევდით „მადრიდის ატლეტიკოში“?

ჩემი აზრით კლუბის წარმატება თითოეული ფეხბურთელის ერთად გაწეული შრომის ნაყოფია. მათ ჰყავთ ფეხბურთელები, რომლებიც ბრწყინვალე სეზონს ატარებენ. მაგ: რეიესი, ფორლანი და აგუერო, მაგრამ მათი წარმატება მთლიანად გუნდის დამსახურებაა. ჩვენ მთლიანად ჩვენს კლუბზე ვართ კონცენტრირებულნი და არა ინდივიდუალურად ერთ ფეხბურთელზე. ძალიან მაღალი კონცენტრაცია დაგვჭირდება.

რას ფიქრობთ კუნ აგუეროზე?

ის შესანიშნავი ფეხბურთელია, ახალგაზრდაა და წინ დიდი მომავალი აქვს.

რას იტყვით ფორლანზე?

ის ერთ–ერთი საუკეთესოა დღეს-დღეობით. იგი ძალიან ბევრს მუშაობს. ყოველთვის იტანს , მიუხედავად იმისა, თუ როგორ გამოიყურება მისი კლუბი.

თქვენს მეგობარ რეიესსაც კარგი სტარტი აქვს აღებული.

მე ეს ძალიან მახარებს. როცა ის კარგ ფორმაშია, მაშინ იგი საუკეთესოა თავის პოზიციაზე და მიხარია, რომ იგი უფრო და უფრო ამტკიცებს მის პროფესიონალიზმს.

რა შეიცვალა „ატლეტიკოში“ სანჩეს ფლორესის მოსვლის შემდეგ?

ჩემი იქაური მეგობრები ამბობენ, რომ ყველაფერი შეიცვალა. ჩემი აზრით ის კარგად მუშაობს.

ეს თქვენი მერვე დერბი იქნება. თქვენ აქედან ხუთი მოიგეთ და ფრედ ორი მათგანი დაასრულეთ... დროა , რომ გოლი გაიტანოთ...

იმედია ასეც მოხდება. ეს ჩემი მეხუთე სეზონია „ბლანკოსებში“ და ამ ხნის განმავლობაში რა თქმა უნდა დერბიშიც ვიღებდი მონაწილეობას. მე ჯერჯერობით არ წამიგია და იმედია ასე გაგრძელდება მომავალშიც, რადგან ჩვენ ძალიან გვჭირდება მორიგი სამი ქულა...

თუ ასე მოხდა, ეს „სანტიაგო ბერნაბეუზე“ თქვენი მორიგი გამარჯვება იქნება.. ჯერ-ჯერობით ლა ლიგაში აქ ვერავინ შეძლო ქულის აღება...

ჩვენ „ბერნაბეუზე“ თავს ძალიან კომფორტულად ვგრძნობთ. ვაპირებთ, რომ მომავალშიც ასე გავაგრძელოთ...

კლასიკო გადაწყვეტს თუ არა ლა ლიგის ჩემპიონის ვინაობას?

არ ვიცი. ეს რა თქმა უნდა ძალიან მნიშვნელოვანი თამაში იქნება...

თქვენ კიდევ ერთ ახალ მიღწევას უახლოვდებით.. შესაძლებელია თუ არა , რომ კლუბმა ჩემპიონატი 100+ ქულით დაასრულოს? ეს ალბათ სიგიჟე იქნება...

ეს სრულიად წარმოუდგენელი იყო ჩემპიონატის დასაწყისში. ჩვენ, ისევე, როგორც „ბარსელონას“, ამჯერად კარგი ფორმა გვაქვს აღებული და იმედია ასე გაგრძელდება. არ ვიცი, რა მოხდება შეიძლება სეზონი 100–ზე ნაკლები ქულით დავასრულოთ, შეიძლება 100 ქულას დიდად გადავცდეთ.. დაველოდოთ, თუ როგორ განვითარდება მოვლენები..

წყარო: Realmadrid.com