ბრიტანულ გამოცემებზე დაყრდნობით, ტიბო კურტუა შესაძლოა კიდევ 1 წლით „ჩელსის“ რიგებში დარჩეს...

ბელგიელ ფეხბურთელს ინგლისურ კლუბთან კონტრაქტი 2019 წლის ზაფხულში ეწურება, რაც იმას ნიშნავს, რომ ახალი ხელშეკრულების გაუფორმებლობის შემთხვევაში თავისუფალი აგენტის სტატუსს მიიღებს და ნებისმიერ კლუბს უფასოდ დაემატება.

ფლორენტინო პერესი მზად არის, ტიბოს სანაცვლოდ 35 მილიონი ევრო გადაიხადოს, მაგრამ „ჩელსი“ კიპერის ძიებაშია და ახლანდელ კარის დარაჯს წასვლის საშუალებას სწორედ ამიტომ არ აძლევს.

Daily Mail იუწყება, რომ „ბლანკოსი“ ტიბოს 1 წლით „ჩელსიში“ დარჩენასაც განიხილავს. მეტიც, იმ შემთხვევაში, თუ ბელგიელი მომავალ წელს „მერენგების“ რიგებს საფასურის სანაცვლოდ შეუერთდება ყოველწლიურად ხელფასის სახით 1.5 მილიონი ევროთი მეტს მიიღებს.