მადრიდის „რეალი“ ყველანაირად ეცდება, მილანის „ინტერს“ ყველა გზა მოუჭრას და ლუკა მოდრიჩი ესპანეთის დედაქალაქში დატოვოს. იტალიური კლუბი ხორვატს შესანიშნავ პირობებს სთავაზობს, თუმცა ფლორენტინო პერესი მოლაპარაკებებზე წასვლას არ აპირებს...

ლუკას სამეფო კლუბთან კონტრაქტი 2020 წელს ეწურება, „რეალი“ კი უკვე ახალ კონტრაქტს ამზადებს.

ევროპის სუპერთასის შეხვედრის შემდეგ ლუკიტა „ბლანკოსის“ ხელმძღვანელობას შეხვდება და ახალ შეთავაზებას განიხილავს.

ახალი, 3 წლიანი კონტრაქტი და 13 მილიონ ევრომდე გაზრდილი ხელფასი. სწორედ ეს არის ახალი პირობა, რომელიც პრეზიდენტ პერესს აქვს.

შეგახსენებთ, 9 სექტემბერს, ხორვატ ნახევარმცველს 33 წელი უსრულდება.