მაშ ასე, ამერიკული ტურნე იწყება. მადრიდის „რეალი“ სულ მალე გაემგზავრება შეერთებულ შტატებში, სადაც არაერთ დაპირსპირებას გამართავს...

პირველი მეტოქე „იუნაიტედი“ იქნება, რომელსაც „რეალი“ 1 აგვისტოს, თბილისის დროით 04:00 საათზე შეერკინება.

ამის შემდეგ ლოპოტეგის გუნდი ტურინის „იუვენტუსთან“ მოსინჯავს ძალებს, დაპირისპირება 5 აგვისტოს, თბილისის დროით 02:00 საათზე აიღებს სტარტს.

ამერიკული ტურნეს ბოლო შეხვედრა ასევე იტალიურ „რომასთან“ შედგება, მატჩი 8 აგვისტოთი თარიღდება, თბილისის დროით 04:00 საათზე.

9 აგვისტოს „რეალი“ ესპანეთის დედაქალაქისკენ აიღებს გეზს და მზადებას ევროპის სუპერთასის მატჩისთვის დაიწყებს. „ატლეტიკოსთან“ დაპირისპირებამდე 2 დღით ადრე ჩემპიონთა ლიგის მოქმედი გამარჯვებულები ტალინში გაემგზავრებიან, 15 აგვისტოს კი დიეგო სიმეონეს „ატლეტიკოსთან“ გაარკვევენ ჩემპიონის ვინაობას.