15 აგვისტოს, ტალინში საფეხბურთო ზეიმია დაგეგმილი. ერთმანეთს მადრიდის „რეალი“ და „ატლეტიკო“ დაუპირისპირდებიან...

გულდასაწყვეტია, რომ შეხვედრა კრიშტიანო რონალდუს გარეშე ჩაივლის, რადგან ის „იუვენტუსში“ გადავიდა.

„ბლანკოსში“ ლიდერის ფუნქციებს უკვე სხვა ფეხბურთელები გადაინაწილებენ.

დაცვაში ვარანისა და სერხიო რამოსის დუეტს უდიდესი მნიშვნელობა ექნება, ლოპოტეგი მათ თვალდახუჭული ენდობა. ნახევარდაცვაში მარკო ასენსიოს და ისკოს დუეტს ხშირად ვიხილავთ და თითქმის გადაწყვეტილია, რომ დერბიშიც ასე იქნება, წინა ხაზში კი გარეთ ბეილმა საბოლოოდ უნდა დაამტკიცოს, რომ მსოფლიო ფეხბურთის ვარსკვლავია. მისია მართლაც რთულია, მან კრიშტიანოს წასვლით არსებული დანაკლისი უმტკივნეულოდ უნდა ამოავსოს.

„რეალი“ რონალდუს გარეშე, თუმცა „ატლეტიკო“ გაცილებით ძლიერი ხვდება მომდევნო სეზონს. დიეგო სიმეონემ რამდენიმე მნიშვნელოვანი ტრანსფერი განახორციელა, გელსონ მარტინესისა და ლემარის ტრანსფერებით კი გულშემატკივართა დიდი კმაყოფილება გამოიწვია.

15 აგვისტოს სრულიად მადრიდის ყურადღება ტალინისკენ იქნება მიმართული.