ვინიციუსი:„თუ ნეიმარი „რეალში“ გადმოვა, მე ყველაზე ბედნიერი ვიქნები“
ვინიციუს ჟუნიორმა პრეზენტაციის შემდეგ ოფიციალური პრესკონფერენცია გამართა...
„დღევანდელი დღე ჩემ ცხოვრებაში დაუვიწყარი იქნება, ვინაიდან „რეალის“ მოთამაშე ოფიციალურად გავხდი და კონტრაქტს მოვაწერე ხელი. შთაბეჭდილებების ქვეშ ვარ და საოცარ გრძნობებს განვიცდი, ჩემთვის ეს ყველაფერი ძალიან დიდი მოტივაციაა.“
„„ბლანკოსის“ ფეხბურთელების თამაშს მხოლოდ ტელევიზორის საშუალებით ვადევნებდი თვალს, ახლა კი მათთან ერთად ვვარჯიშობ და არაერთ შეხვედრას გავმართავ. მიხარია, რომ მსოფლიოს საუკეთესო ფეხბურთელებთან ერთად მომიწევს ასპარეზობა.“
„შემიძლია როგორც მარცხენა, ასევე მარჯვენა ფლანგიდან თამაში, დავალებებს მწვრთნელისგან მივიღებ და შევეცდები შესაძლებლობების მაქსიმუმი გამოვავლინო.“
„ჩემი მიზანი რა თქმა უნდა არ არის „კასტილიაში“ თამაში, თუმცა თუ ხელმძღვანელობა ჩათვლის, რომ ადაპტაციისთვის ახალგაზრდებთან ერთად თამაში უმჯობესია, მე მზად ვარ დავეთანხმო მათ.“
„ჟულიენ ლოპოტეგი არაერთ რჩევას მაძლევს და მაქსიმალურად ცდილობს ადაპტაცია დროულად გამატაროს. ენის პრობლემა? ჟულიენმა გარკვეულ დონეზე იცის პორტუგალიური და კომუნიკაციის დამყარებას ვამყარებთ.“
„ჩემი ცხოვრების კრედო გამარჯვებაა და საერთოდ არ მაინტერესებს ზეწოლა. ჩემზე ზემოქმედებას ვერასდროს ვერავინ მოახდენს, ტიტულების მოგება მსურს. „სანტოსში“ დიდი გამოცდილება მივიღე, ახლა კი მთავარი გამოწვევებია წინ.“
„დიდი მადლობა ღმერთს, ჩემ ოჯახს და მეგობრებს. რომ არა ისინი, ახლა აქ არ ვიქნებოდი.“
„კრიშტიანო რონალდუ „რეალის“ ლეგენდა გახლავთ, ზინედინ ზიდანის მიერ ზედიზედ მოგებული 3 ჩემპიონთა ლიგის თასი კი უბრალოდ აღმაფრთოვანებს.“
„ნეიმარი ჩემი კერპია, თამაშით სტილით ყოველთვის მას მამსგავსებდნენ, იმედი მაქვს კრიშტიანოს სტილიდანაც ავიღებ გარკვეულ ასპექტებს და სრულფასოვანი მოთამაშე გავხდები. ჩემი ოცნება ნეიმართან ერთად ბრაზილიის ნაკრებსა და „რეალში“ თამაშია, თუ ის აქ გადმოვა, უბედნიერესი ვიქნები.“
- 20 ივლისი 2018
- 7 203
- 27
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
