ლოპოტეგი:,,რეალს კიდევ რამდენიმე ფეხბურთელი დატოვებს"
ჟულიენ ლოპოტეგიმ მადრიდის „რეალის“ ოფიციალურ ვებ-გვერდთან ინტერვიუ ჩაწერა...
„ძალიან მომწონს იდეა, რომელიც მადრიდის „რეალში“ უნდა განვახორციელო. ჩვენ უნდა მივიღოთ ახალი გამოწვევები და შევინარჩუნოთ ის პრესტიჟი, რომელიც გვაქვს. კლუბის ჰიმნიც კი ჩემში დიდ გრძნობებს იწვევს, ვინაიდან მადრიდისტა ვარ.“
„მე „რეალში“ გავიზარდე, ყოველთვის მსურდა აქ დაბრუნება და მუშაობა, თავადაც ხედავთ, რომ ოცნება ამიხდა, ახლა კი ძალიან ბევრი მუშაობის დროა. მსოფლიოს საუკეთესო კლუბს და ყველაზე დიდ გამოწვევებს შევუერთდი და მჯერა, რომ დავაკმაყოფილებ იმ მოთხოვნებს, რომელიც ამ კლუბში არსებობს. პირველი სერიოზული გამოწვევა ევროპის სუპერთასი იქნება, სადაც ჩვენ „ატლეტიკოს“ შევერკინებით.“
„მადრიდის „რეალს“ განსხვავებული სპეციპიკა აქვს, აქ ისე ვერ იმუშავებ, როგორც სხვაგან. ჩვენს კოლექტივში მსოფლიოს საუკეთესო ფეხბურთელები არიან, მათ შორის კი აუცილებელია სრული ბალანსის დაცვა.“
„აქ უნდა მოხდეს ინდივიდუალური კლასისა და გუნდური სულისკვეთების შერწყმა, ამ შემთხვევში მაქსიმალურ შედეგებზე გვექნება პრეტენზიები.“
„ჩვენს გუნდში აუცილებლად იქნება ცვლილებები, ვიხილავთ ახალ სახეებს, ასევე რამდენიმე მოთამაშე კლუბს დატოვებს, თუმცა მთავარი ბირთვი და სათამაშო ფილოსოფია არ შეიცვლება. ჩვენ ყველაფერს გავაკეთებთ იმისათვის, რომ ტიტულები მოვიგოთ.“
„ჩვენ შეგვიძლია კიდევ უფრო გავუმჯობესდეთ და საოცარი ფეხბურთი ვითამაშოთ. პროგრესის დრო ყოველთვის არის. ოპტიმიზმით სავსე ვარ და ღრმად მწამს, რომ ჩემი ფორმაციის „ბლანკოსი“ ძალიან ტიტულოვანი კლუბი იქნება.“
„არასდროს დამავიწყდება კასტილიას ეპოქა, ვისენტე დელ ბოსკესთან ურთიერთობა და ასე შემდეგ, ჩემთვის სამეფო კლუბი ძალიან დიდ ისტორიას უკავშირდება.“
„მადრიდის „რეალმა“ არასდროს უნდა უღალატოს იმ ღირებულებებს, რომელიც კლუბში საუკუნის მანძილზე იქმნებოდა, ჩვენთვის ეს ყველაფერი უმნიშვნელოვანი ფაქტორია.“
„მივმართავ ქომაგებს და დიდ მადლობას ვეტყვი იმისთვის, რომ თბილად მიმიღეს. ჩემი შრომისმოყვარეობით, თავდადებით და იდეებით აუცილებლად უნდა შევქმნა გუნდი, რომელიც მათ გულებს გაახარებს.“
- 17 ივლისი 2018
- 7 075
- 8