მადრიდის „რეალში“ ძირეულ ცვლილებებს ვარაუდობენ...

კრიშტიანო რონალდუმ უკვე დატოვა გუნდი, შესაბამისად ლეგენდარული BBC ჩამოიშალა. რამდენიმე დღეში წასვლას ფრანგ ფორვარდს, კარიმ ბენზემასაც უწინასწარმეტყველებენ. ვრცელდება ინფორმაცია, „პსჟ“ კილიან მბაპეს სანაცვლოდ 190 მილიონ ევროს და სწორედ მადრიდელ ფორვარდს მიიღებს.

ასევე არ წყდება ინფორმაციები გარეთ ბეილის „იუნაიტედში“ გადასვლასთან დაკავშირებით. მხარეები 120 მილიონიან გარიგებაზე საუბრობენ, მის ნაცვლად კი გუნდში ედენ აზარი უნდა ჩაირიცხოს.

და ბოლოს... რობერტ ლევანდოვსკის საგა არ სრულდება, თუმცა ვრცელდება ინფორმაცია, რომ პოლონელი თანაგუნდელებს უკვე გამოემშვიდობა და „რეალში“ თამაში გადაწყვეტილი აქვს. დაველოდოთ მოვლენათა განვითარებას...