მიმდინარე სეზონში, მადრიდის "რეალი" ბრწყინვალედ ასპარეზობს. "თეთრებს" თითოეულ შეხვედრაში საშუალოდ 2–3 გოლი გააქვთ მეტოქის კარში, ეს კი მართლაც, რომ შესანიშნავი რეზულტატია. ამ მაჩვენებლით "ლოს ბლანკოსი" ევროპაში საუკეთესოა.

შესანიშნავი მეორე ტაიმი

მადრიდის "რეალი" მეტოქეთათვის განსაკუთრებით სახიფათო მეორე ტაიმშია. მიმდინარე სეზონში მადრიდელებმა შეხვედრის მეორე 45 წუთში 30 გოლის გატანა მოახერხეს. ეს კი "ბლანკოსისთვის" ბოლო 47 წელიწადში საუკეთესო შედეგია. "თეთრების" მომავალი ორი მეტოქე – მადრიდის "ატლეტიკო" და რეალ "ხეტაფე" იქნებიან. პელეგრინის შეგირდები ტენდენციის გაგრძელებას ეცდებიან, რათა ჩემპიონობის შანსი განიმტკიცონ და ჩემპიონობისკენ კიდევ ერთი ნაბიჯი გადადგან.

უხვგოლიანობა

მადრიდელთა ძლევამოსილებას, მათი შედეგიანობაც ამტკიცებს. პელეგრინის დამოძღვრილ გუნდს თითოეულ შეხვედრაში საშუალოდ 2–3 გოლი გააქვს მეტოქის კარში, ეს კი დამეთანხმებით ალბათ ბრწყინვალე შედეგია.

სარეკორდო შედეგიანობა

ლა ლიგის ისტორიაში არც ერთ გუნდს არ ჰქონია 27 მატჩში 68 ქულა დაგროვებული. მადრიდის "რეალმა" – კატალონიის "ბარსელონას" უახლესი რეკორდის მოხსნაც მოახერხა, რომელიც გუარდიოლას შეგირდებმა გასულ სეზონში 66 მოგროვებული ქულით დაამყარეს. სამეფო კლუბის ისტორიაში კი 27 შეხვედრაში მაქსიმუმ 62 ქულა 1996/97 წლებში დააგროვეს მადრიდელებმა.


ინფრომაციის წყარო: Realmadrid.com

ავტორი: Kevlisha