კოვაჩიჩი:„„რეალის“ დატოვება საუკეთესო ვარიანტია, ყველა მადრიდელი გამიგებს“
მატეო კოვაჩიჩის მიერ გაკეთებულმა ხმაურიანმა განცხადებამ სრულიად ესპანური პრესა ააჭრელა. ჭორები აქამდეც არსებობდა, თუმცა ამ განცხადებით ხორვატმა ფეხბურთელმა ფაქტობრივად ყველაფერს დაუსვა წერტილი. მოგეხსენებათ, ჟულიენ ლოპოტეგი ტიაგო ალკანტარას „ბლანკოსში“ ტრანსფერზე მუშაობს, რაც კოვაჩიჩს უშანსოდ ტოვებს, მსგავსი სიტუაცია კი ახალგაზრდა ნახევარმცველისთვის ყოვლად მიუღებელია...
„წლებია მადრიდის „რეალის“ ღირსებას ვიცავ, ამ კლუბთან ერთად ჩემპიონთა ლიგის 3 თასის მოგება შევძელი, გარდა ამის ჩემი ტიტულების კოლექციაში არაერთი მნიშვნელოვანი თასია.“
„„მერენგებზე“ არასდროს მითქვამს ცუდი. ვერ გამახსენებთ ვერცერთ სიტყვას, რაც „რეალს“ უკავშირდება. მე მიყვარს ეს კლუბი, მაგრამ ვფიქრობ, რომ ესპანეთის დედაქალაქის დასატოვებლად საუკეთესო დრო მოვიდა.“
„ახლა აქცენტს მუნდიალზე ვაკეთებ, შემდეგ კი სამეფო კლუბის ხელმძღვანელობას შევხვდები.“
„მე მჭირდება სტაბილურობა, მე მჭირდება გაცილებით მეტი სათამაშო დრო, ვინაიდან ვთვლი, რომ მსოფლიო ფეხბურთში საკუთარი სიტყვის თქმა შემიძლია, სათადარიგოთა სკამზე ჯდომის პირობებში კი მიზნის მიღწევა შეუძლებელია.“
- 23 ივნისი 2018
- 6 631
- 13
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
