ხამეს როდრიგესის „ბაიერნში“ დარჩენის საკითხი იქამდე გადაწყვეტილი იყო, სანამ გუნდს ზინედინ ზიდანი წვრთნიდა, მაგრამ ახლა ვითარება შეიცვალა.

გავრცელებული ინფორმაციით, „ბაიერნმა“ „რეალისგან“ საბოლოო პასუხი მოითხოვა, ფლორენტინო პერესი კი კონსულტაციებს ლოპოტეგისთან გადის.

დაუდასტურებელი ინფორმაციით, ლოპოტეგის კოლუმბიელის გაშვება არ სურს და დიდი შანსია იმისა, რომ „ათიანი“ „რეალის“ რიგებს დაუბრუნდეს.

ამ საკითხთან დაკავშირებით თავად ფეხბურთელი კომენტარს არ აკეთებს და აცხადებს, რომ ახლა მხოლოდ მუნდიალით ინტერესდება.