ახალმა შენაძენებმა შესანიშნავად ითამაშეს, ყველამ მოახერხა გოლის გატანა , გარაის გარდა. როგორც მადრიდისტმა, კარიმ ბენზემამ პირველივე სადებიუტო შეხვედრაში მოახერხა მეტოქის კარის ბადეში ბურთის მოთავსება. არც გრანეროსა და ნეგრედოს მოუწიათ დიდხანს ლოდინმა , მათ მადრიდის რეალის მიერ მშვიდობის თასზე ლიგა ქიტოსთან გამართულ შეხვედრაში, რომელიც მადრიდელებმა 4:2 მოიგეს, მოახერხეს მეტოქის კარის აღება.

რაც შეეხება კრიშტიანო რონალდუს, მან გოლის გატანა მესამე ცდაზე მოახერხა და ეს მოხდა ეკვადორულ კლუბთან შეხვედრის დროს. პორტუგალიელი ფეხბურთელის წინააღმდეგ საჯარიმოში უხეშად ითამაშეს და მანაც თერთმეტმეტრიანი დარტყმა იდეალურად შეასრულა. საკუთარი მეორე გოლიც რონალდუმ თერთმეტმეტრიანით გაიტანა, მაგრამ იუვენტუსის წინააღმდეგ.

თეთრების შვიდი გოლი ოთხ შეხვედრაში ყველა შესაძლო პოზიციიდან იქნა გატანილი. მეთსელდერმა მცველთა ხაზი ერთი გოლით დააწინაურა, გრანერომ და რონალდუმ (2) ნახევარდაცვა წინ გაიყვანეს, ხოლო რაულმა , ბენზემამ და ნეგრედომ თავდასხმა ასახელეს.

როცა მადრიდის რეალი გაფრინდება ჩრდილოეთ ამერიკაში, ჩვენ მოგვეცემა საშუალება თამაშში ვიხილოთ კონფედერაციის თასის მონაწილეები: კაკა, ალბიოლი, კასილასი და სერხიო რამოსი.

წყარო: realmadrid.com