მადრიდის „რეალის“ ინტერესი, რომელიც ტოტენჰემელი ერიკსენის მიმართ არსებობს მართლაც სერიოზულია...

პრეზიდენტი პერესი თვლის, რომ ერიკსენი ლუკა მოდრიჩის შეცვლას სრულფასოვნად მოახერხებს, მაგრამ ისიც ფაქტია, რომ ლუკა ჯერ-ჯერობით ფორმაშია და მინიმუმ 1 სეზონს ბრწყინვალედ ჩაატარებს.

ამასთანავე ასაკი ემატება ერიკსენსაც, რომელიც ახლა 26 წლის არის, მოდრიჩის წასვლის შემდეგ კი რამდენი წლის იქნება არავინ იცის, თუმცა იმაზე ყველა თანხმდება, რომ მასში 80-100 მილიონის გადახდა ცუდი გადაწყვეტლება არ იქნება.

ბრიტანული Daily Mirror-ის თანახმად ლონდონელები ყველაფერს აკეთებენ ფეხბურთელის შესანარჩუნებლად, მაგრამ თავად ერიკსენი „რეალში“ გადასვლაზე უარს არ ამბობს.

იმ შემთხვევაში, თუ ფლორენტინო პერესი „რეალის“ ახალი მწვრთნელისგან თანხმობას მიიღებს, კრისტიანის გამადრიდელება სავსებით რეალური იქნება.