ლუიშ ფელიპე სკოლარიმ კიდევ ერთი ინტერვიუ მისცა ჟურნალისტებს სადაც მადრიდის რეალზე ისაუბრა...

,,რეალს ჰყავს მთავარი მწვრთნელი, რომელმაც ზუსტად იცის თუ როგორ მოიქცეს, მე სამეფო კლუბის ყველა თამაშს ვადევნე თვალი და დავრწმუნდი , რომ ჩილელი სპეციალისტი პროფესიონალია. მანუელი ყველანაირ შემადგენლობას ათამაშებს , იგი ატარებს როტაციებს თავდასხმის ხაზში, რაც ძალიან კარგია. პელეგრინი ალბათ უკვე ხვდება, რომ რაულმა სათადარიგოთა სკამზე უნდა გადაინაცვლოს. რეალს ჰყავს ბენზემა, იგუაინი, ნისტელროი. სამივე ფეხბურთელი ამჟამად ჯობია რაულს. გონსალესი შეიძლება კაპიტანია მაგრამ ფეხბურთის ისტორიაში უამრავი კაპიტანი დამჯდარა სათადარიგოთა სკამზე, სამეფო კლუბის თამაშს დიდი ინტერესით ვადევნებ თვალს და იმედი მაქვს წარმატებებს მიაღწევს”.

სკოლარიმ ასევე ისაუბრა კრიშტიანო რონალდოსთან დაკავშირებით.

,,რონალდო რეალს ნელ-ნელა მოერგება, კრიშტიანო მრავალი წლის მანძილზე თამაშობდა პრემერ-ლიგაში და უცებ გადმოვიდა პრიმერაში, მას ცოტა დრო დაჭირდება და ჩადგება იდეალურ ფორმაში, მე მისი მწრთნელი ვიყავი პორტუგალიის ნაკრებში და ვიცი რას წარმოადგენს ეს ფეხბურთელი, იმედი მაქვს, რომ ის გახდება რეალის ლიდერი”- განაცხადა ბრაზილიელმა სპეციალისტმა.