დანიელ კარვახალი სამკვირიანი პაუზის შემდეგ მოედანს დაუბრუნდა. განაპირა მცველმა „ვილიარეალთან“ შეხვედრის შემდეგ კომენტარი გააკეთა...

„მოხარული ვარ, რომ დავბრუნდი და შემიძლია გუნდს დავეხმარო. მადრიდის „რეალი“ კიევში ჩასვლის წინ ოპტიმალურ ფორმაშია. ჩემპიონთა ლიგის ფინალს შესანიშნავ ფორმაში ვხვდებით.“

„სამი კვირის მანძილზე ბოლომდე ვიხარჯებოდი იმისათვის, რომ ლა ლიგის ბოლო ტურში მონაწილეობა მიმეღო, ეს ჩემთვის ძალიან მნიშვნელოვანია.“

„შეხვედრა გარდამავალი უპირატესობით წარიმართა. საწყისი 1 საათის მანძილზე ვდომინირებდით და ანგარიშიც ჩვენს სასარგებლოდ ფიქსირდებოდა, თუმცა შემდეგ მოვეშვით და მეტოქის გათანაბრების საშუალება მივეცით.“