ინგლისური გამოცემები იუწყებიან, რომ მადრიდის „რეალს“ და მარსელო ვიეირას პრემიერლიგიდან ძალიან სერიოზული და საინტერესო შემოთავაზება აქვთ...

ვერავინ წარმოიდგენდა, რომ ბრაზილიელი ფეხბურთელის კარიერის „რეალში“ დასრულება ეჭვქვეშ დადგებოდა, მაგრამ შემოთავაზება იმდენად საინტერესოა, რომ ჟურნალისტები საკმაოდ აქტიურობენ...

საქმე ეხება 100 მილიონ ევროს, რომელსაც მარსელოში „სიტი“ ჩამოდის. გარდა ამისა, ხოსეპ გუარდიოლას გუნდი მზად არის, 4 წლიან კონტრაქტს მოაწეროს ხელი და ვიცე-კაპიტანს ყოველწლიურად 16 მილიონი ევრო გადაუხადოს, რაც გაცილებით აღემატება ვიეირას ახლანდელ შემოსავალს.

მადრიდში ეჭვი არ ეპარებათ, რომ მარსელო არსად წავა, თუმცა შემოთავაზება მართლაც ძალიან „მსუყეა“.