ზიდანი:„„ელ კლასიკოს“ წინ ინიესტას ვეტყვი, რომ ყველაფერს საუკეთესოს ვუსურვებ“
ზიდანმა „ელ კლასიკოს“ წინ პრესკონფერენცია გამართა...
„მზად ვართ, კარგად ვითამაშოთ და დიდი დატვირთვის მიუხედავად მოწოდების სიმაღლეზე ვიდგეთ. ჩემი გუნდი მზად არის ხვალინდელი დღისთვის.“
„მიუხედავად იმისა, რომ სატურნირო თვალსაზრისით ამ შეხვედრას არანაირი მნიშვნელობა არ მიენიჭება, „რეალის“ ყველა ფეხბურთელი გამარჯვებისთვის იბრძოლებს. გუნდში რამდენიმე ტრავმირებული მყავს, ამიტომ შემადგენლობაში ცვლილებები იქნება.“
„მე და სერხიო ერთად ვთამაშობდით კიდეც, ახლა კი ის გუნდის ლიდერი და კაპიტანია. მიხარია, რომ ესპანელის სახით უდიდესი მცველი გვყავს.“
„ანდრეს ინიესტა დიდებული ფეხბურთელია, ის „ბარსელონას“ ემშვიდობება. ხვალ აუცილებლად მივესალმები და ცხოვრების ახალ ეტაპზე წარმატებას ვუსურვებ. ინიესტას ვეტყვი, რომ ეპოქა შექმნა.“
„მსაჯებზე საუბარი ახლა არ შეიძლება. სეზონიდან სტარტიდან დაწყებული ამ წუთამდე არაერთგვაროვანი ინფორმაციები ისმის. აღარ მსურს ესპანეთის სუპერთასის გახსენება, ის დრო და რონალდუს წითელი ბარათი წარსულს ჩაბარდა.“
„რისკები? მე ვთვლი, რომ „ბარსელონასთან“ თავი არ უნდა დავზოგოთ.“
„100%-ით შემიძლია გითხრათ, რომ დერეფანი არ იქნება, რასაც თავისი მიზეზები აქვს. დერეფანი მილოცვაა? ჩვენ კატალონიელებს ოფიციალურად მივულოცეთ ჩემპიონობა.“
„რატომ არ გააკეთა „ბარსელონამ“ დერაფანი რამდენიმე თვის წინ? ამას მე ნუ მკითხავთ, კატალონიელებს ჰკითხეთ.“
„ვიდეო-რეფერი? როგორც ვიცი, მომდევნო სეზონიდან ლა ლიგაში ეს სისტემა დანერგილი იქნება, შედეგებზე კი რამდენიმე თვის შემდეგ ვისაუბროთ.“
„წინ რამდენიმე მატჩია, მათ შორის ყველაზე დიდ მნიშბნელობას „ბარსელონასთან“ და „ლივერპულთან“ შეხვედრები შეიძენს.“
„„რეალის“ ფეხბურთელებს „ნოუ კამპზე“ განსაკუთრებული მოტივაცია ექნებათ, ჩვენ ამ მხრივ პრობლემა არ გვაქვს.“
„კეილორ ნავასი და ბენზემა გუნდისთვის უმნიშვნელოვანესი ფეხბურთელები არიან. ნახევარფინალში ორივე მათგანმა ბრწყინვალე შთაბეჭდილება დატოვა.“
- 5 მაი 2018
- 5 926
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
