მადრიდის რეალის მარჯვენა მცველი ჟურნალისტებს შეხვდა და გუნდის ამჟამინდელ მდგომარეობაზე ისაუბრა.

"ახლა მთლიანად ლა ლიგაზე ვართ კონცენტრირებულნი. შემდეგი მატჩი სპორტინგთან გველის, წინა შეხვედრა ძალიან რთული გამოდგა და დიდი დრო დაგვჭირდა მათი წინააღმვდეგობის გასატეხად. დარწმუნებული ვარ ახლაც სიურპრიზს მოგვიწყობენ ხიხონელები, რომლისთვისაც მზად უნდა ვიყოთ."

"ბერნაბეუზე ერთი ქულაც არ დაგვიკარგავს, რაც ძალიან მნიშვნელოვანია ფსიქოლოგიური თვალსაზრისით, ფანებს კი ამ წარმატებაში ძალიან დიდი წვლილი მიუძღვით. ვიცით რომ ყველა საშინაო მატჩის მოგება ძნელი იქნება, მაგრამ ცდას არ დავაკლებთ, რათა სასურველ შედეგს მივაღწიოთ. აგრეთვე მინდა აღვნიშნო, რომ მანუელ პელეგრინი რეალისთვის ამჟამად მსოფლიოში საუკეთესო მწვრთნელია და მას ვენდობით, ვგრძნობ რომ ფანებიც მხარს უჭერენ მას."