ფლორენტინო პერესი "რეალის" ერთ-ერთი ფან-კლუბის 30 წლისადმი მიძღვნილ ღონისძიებას დაესწრო.აღსანიშნავია, რომ მას მანოლო სანჩისი, რაულ გონსალესი, ნაჩო ფერნანდესი და კეილორ ნავასი (ის საპატიო წევრის სტატუსით დააჯილდოვეს) უმშვენებდნენ გვერდს.

კლუბის პრეზიდენტმა კოსტარიკელი მეკარის მისამართით საქებარი სიტყვები არ დაიშურა: „გულშემატკივრების მიერ კეილორის საპატიო წევრად დასახელება ნამდვილად დიდებული ჟესტია.კეილორ, შენ დიდი სიყვარული მოიპოვე მადრიდისტებში, რაც ნიჭის, პროფესიონალიზმისა და პიროვნული თვისებების დამსახურებაა.ვფიქრობ, შენ სრულად გაითავისე სამეფო კლუბის ღირებულებები.მიუხედავად იმისა, თუ რას საუბრობენ სხვები,ვამაყობთ იმით, რომ ჩვენი გუნდის გოლკიპერი ხარ.განაგრძე თავდაუზოგავი შრომა და ვიმედოვნებ, რომ კიდევ მრავალი წელი დაიცავ "რეალის" ღირსებას.“

AS