ლუკა მოდრიჩმა „იუვენტუსთან“ შეხვედრის წინ პრესკონფერენცია გამართა...

„ეს არის შეხვედრა, სადაც გამოცდილება ძვირად ფასობს. შეცდომის დაშვების უფლება არ გვაქვს, სხვაგვარად ფატალურ შედეგს მივიღებთ. „რეალი“ მოედანზე მაქსიმალური კონცენტრაციით გავა.“

„ვერ გეტყვით ვითამაშებ თუ არა, ეს მხოლოდ მთავარი მწვრთნელის გადასაწყვეტია. ხორვატიის ნაკრებმა გამათავისუფლა და „ლას პალმასთან“ შეხვედრისთვის კარგად მოვემზადე, ახლაც 100%-ით მზად ვარ. თერთმეტეულს ზიზუ ირჩევს და არავის აქვს უფლება მის გადაწყვეტილებაში კორექტირება შეიტანოს, მე რომ ეს გავაკეთო ფრანგი ალბათ გუნდიდან გამაგდებს.“

„ბენზემას მისამართით კრიტიკა ჩვეულებრივი ამბავი გახდა, მაგრამ ყველამ კარგად იცის, რომ მას უმნიშვნელოვანესი გოლები აქვს გატანილი. ფრანგი „ცხრიანი“ „რეალის“ ისტორიაში უკვე შევიდა.“

„რონალდუ საოცარი ფეხბურთელია, ის უამრავ გოლს იტანს და გუნდის წინსვლაში დიდი წვლილი შეაქვს. პორტუგალიელთან ერთად ყოველთვის მეტი შანსი გვაქვს, ვიდრე მის გარეშე.“

„გარეთ ბეილი სრულფასოვნად ვარჯიშობს, მისი ტრავმიანობის პერიოდი უკან მორჩა, ახლა კი კიდევ მოუმატებს. უელსელი მადრიდში თავს შესანიშნავად გრძნობს და არ ვფიქრობ, რომ წასვლა სურს.“

„ისკოსა და ბეილის თამაში? ვიმეორებ, ამას ზინედინი გადაწყვეტს. „რეალის“ ყველა ფეხბურთელს შეუძლია უმაღლეს დონეზე ასპარეზობა. ნუ დავასწრებთ მოვლენებს.“