მიუხედავად იმისა, რომ მიმდინარე სეზონი ლუკას ვასკესისთვის და მარკო ასენსიოსთვის ძალიან ეფექტურია, გარეთ ბეილს მათზე გაცილებით კარგი შედეგი აქვს. უელსელი ასევე ჯობნის ისკო ალარკონს...

უელსელმა ფეხბურთელმა მიმდინარე სეზონში ყველა ტურნირზე მხოლოდ 30 მატჩში მიიღო მონაწილეობა, მის ანგარიშზე კი 14 გოლი და 7 საგოლე გადაცემაა.

რაც შეეხება მარკო ასენსიოს. ესპანელმა უკვე 41 დაპირისპირებაში მიიღო მონაწილეობა, მან 10 გოლის გატანა და 4 ასისტის ჩაწერა შეძლო აქტივში.

ლუკას ვასკესი მოედანზე 42-ჯერ შევიდა. ამ ფონზე მას 8 გოლი და 13 საგოლე გადაცემა აქვს გაკეთებული.

რაც შეეხება ისკოს. ესპანელმა ზიზუს ნდობით 41-ჯერ ისარგებლა. მის ანგარიშზე 7 გოლი და 7 ასისტია, თუმცა ამასთანავე აუცილებლად უნდა აღინიშნოს, რომ მატჩების დიდ ნაწილში ალარკონი მოედანზე მეორე ტაიმში შედიოდა და წუთობრივი მაჩვენებელი გაცილებით დაბალი აქვს.

ყოველივე ზემოაღნიშნულიდან გამომდინარე უნდა დავასკვნათ, რომ ბეილის მიმართ არსებული კრიტიკა არც ისე საფუძვლიანია და ის ზიზუსგან ნდობას ნამდვილად იმსახურებს.