ესპანური გამოცემები იუწყებიან, რომ მადრიდის „რეალი“ „ლივერპულთან“ დიდ გარიგებაზე მიდის...

მიუხედავად იმისა, რომ ლუკას ვასკესი შესანიშნავ ფორმაშია და ზიდანის ერთ-ერთ საყვარელ მოთამაშედ ითვლება, ფლორენტინო პერესი მზად არის ესპანელს შეელიოს, სამაგიეროდ კი სალაჰი მიიღოს.

რა თქმა უნდა, ვასკესი სალაჰში პირდაპირ არ გაიცვლება და „ლივერპული“ თანხის დამატებას მოითხოვს, თუმცა პრეზიდენტი ფიქრობს, რომ ამ შემთხვევაში ბიუჯეტი გაცილებით ნაკლები თანხით შემცირდება.

საყოველთაოდ ცნობილია, რომ იურგენ კლოპს ვასკესი ძალიან მოსწონს და მის გადაბირებას შარშანაც ცდილობდა, რაც პირველ რიგში „მერენგების“ წისქვილზე ასხამს წყალს. სწორედ ამიტომ მიიღო ფლორენტინომ ზემოხსენებული გადაწყვეტილება.