ორშაბათს, ორმა ლეგენდარულმა ფეხბურთელმა, ზინედინ ზიდანმა და ენცო ფრანჩესკოლიმ, გახსნეს საფეხბურთო ქარხანა, რომელშიც მოხდება ახალი ტალანტების აღმოჩენა. ეს პროექტი იქნება რეალითი-შოუს ფორმატით და წლის განმავლობაში დააკვირდებიან ყველაზე კარგ ფეხბურთელებს. ამ პროექტის პრიზი კი იმაში მდგომარეობს, რომ გამარჯვებული 2010/11 წლის სეზონიდან რომელიმე ლა ლიგის გუნდში განაგრძობს ასპარეზობას.

ქარხნის გახსნის დროს ზინედინ ზიდანმა განაცხადა: "ძალიან კარგია ამ პროქეტის შექმნა, მითუმეტეს მაშინ, როდესაც ერთ-ერთი ორგანიზატორი არის ენცო ფრანჩესკოლი. მე მას უდიდეს პატივს ვცემ". ენცომაც თავის მხრივ არ დაიშურა ტკბილი სიტყვები ზიდანის მიმართ: "ადრე ჩვენ ორს არ გვეძლეოდა ერთად მუშაობის საშუალება, მაგრამ ამ ქარხანამ მოგვცა კარგი შანსი ერთად ყოფნისა".

ვარსკვლავთა აკადემიაში მონაწილეობას 20 ქვეყნიდან მიიღებენ: ესპანეთი, არგენტინა, მექსიკა, კოლუმბია, ჩინეთი და სხვა... პირველი ჩვენება 20 მარტს შედგება "სევილიაში", შემდეგ კი ისინი მადრიდში, ბარსელონაში, ვალენსიაში და სხვა ქალაქებში გაემგზავრებიან.


ინფორმაციის წყარო:Marca.com