მართალია კრიშტიანო რონალდუს ლიონელ მესისთან შედარებით 3 გოლით ნაკლები აქვს გატანილი, მაგრამ უნდა აღინიშნოს, რომ პორტუგალიელმა ფეხბურთელმა გაცილებით ნაკლები დრო დაჰყო მოედანზე, ვიდრე არგენტინელმა...

კრიშტიანოს 22 გოლის გასატანად 23 დაპირისპირება დასჭირდა. პორტუგალიელმა ფეხბურთელმა ლა ლიგის მიმდინარე სეზონში 2031 წუთი ითამაშა.

რაც შეეხება მესის. არგენტინელის ანგარიშზე 25 გოლია, მაგრამ ამისთვის მას 28 პაექრობა დასჭირდა. აღსანიშნავია, რომ კატალონიური გუნდის ლიდერმა მოედანზე 2461 წუთი გაატარა, რაც გაცილებით აღემატება მადრიდელი ლიდერის შედეგს.

ლა ლიგის დასრულებამდე 9 მატჩი დარჩა, სადაც კრიშტიანო კიდევ ბევრს გაიტანს და „პიჩიჩისთვის“ იბრძოლებს, თუმცა საკითხავია, რამდენად მისცემს მას ზინედინ ზიდანი ყველა თამაშის ჩატარების საშუალებას, ვინაიდან „რეალი“ მთავარ აქცენტს ჩემპიონთა ლიგაზე აკეთებს.