არგენტინელი ფორვარდი, გონსალო იგუაინი წლევანდელ სეზონს შესანიშნავად ატარებს. თავდამსხმელმა ვალიადოლიდის წინააღმდეგ 3 გოლის გატანა მოახერხა და ლა ლიგის ბომბარდირობისთვის ბრძოლას განაგრძობს. ჯამში იგუაინმა 20 თამაში ითამაშა და 19 გოლის გატანა მოახერხა.

გონსალო საშუალოდ ყოველ 74 წუთში ერთხელ იტანს გოლს. იგი ამ მაჩვენებლით უსწრებს ბარსელონელ ლიონელ მესის, რომელიც საშუალოდ 88 წუთში ერთხელ იტანს.

პიპიტასთან ერთად გუნდის საუკეთესო მეგოლე კრიშტიანო რონალდოა, რომელსაც 15 გოლი აქვს გატანილი. პორტუგალიელი ყოველ 97 წუთში ერთხელ იტანს ბურთს.

ლა ლიგის დასრულებამდე 12 ტურია დარჩენილი და ეს შედეგები კიდევ შეიცვლება. იმედია, გონსალო შეინარჩუნებს პირველობას.