უნაი ემერი:„„რეალის“ ფეხბურთელები აუცილებლად შეწუხდებიან, თუ ალვეში ითამაშებს“
მადრიდის „რეალთან“ მატჩის წინ „პსჟ“-ს თავკაცმა პრესკონფერენცია გამართა...
„ჩემი მიზანი ის არის, რომ „პსჟ“-მ მოქმედი ჩემპიონის წინააღმდეგ საუკეთესო ფეხბურთი ითამაშოს.“
„ნეიმარი არ გვეყოლება, ეს გადაწყვეტილია, მაგრამ მარკინიოსი შესაძლოა მოედანზე გამოჩნდეს, თანაც პირველივე წუთებიდან.“
„არ არის გამორიცხული ტიაგო მოტამ და ლასანა დიარამ სასტარტო შემადგენლობაში იასპარეზონ. ორივე მოთამაშემ იცის, თუ რას ნიშნავს ჩემპიონთა ლიგა. ლასი კი „ბლანკოსს“ ძალიან კარგად იცნობს.“
„ეს არის „პსჟ“-ს უახლესი ისტორიის უმნიშვნელოვანესი დაპირისპირება. ჩემპიონთა ლიგის 1/4 ფინალში გასვლა არამხოლოდ „პსჟ“-სთვის, არამედ სრულიად ფრანგული ფეხბურთისთვის იქნება დიდი წინსვლა.“
„არ მაინტერესებს იქნებიან თუ არა მოედანზე ლუკა მოდრიჩი და ტონი კროოსი. კარგად ვიცი, რომ „პსჟ“-ს მეტოქის ძლევა მათთან ერთადაც შეუძლია და მათ გარეშეც. მთავარია მოედანზე გავიდეთ და ჩვენი ფეხბურთი ვითამაშოთ.“
„„პსჟ“ მოედანზე 11 ფეხბურთელით გავა, მაგრამ მოედანზე შეკრებილი პუბლიკა აუცილებლად შეასრულებს მე-12 ფეხბურთელის როლს.“
„დაძაბულობა პიკს აღწევს და ეს ბუნებრივიც არის.“
„ბოლო დროს „პსჟ“-ს 1/8 ფინალის განმეორებითი შეხვედრების გამართვა სტუმრად უწევდა, ახლა კი საშინაო არენაზე ვასპარეზობთ, რაც ჩვენს შანსებს ზრდის.“
„ეჭვი არ მეპარება არბიტრი მოწოდების სიმაღლეზე იდგება. ბრიხი ნამდვილი პროფესიონალია.“
„დანი ალვეშის ფაქტორი ბევრს გადაყწვეტს. ბრაზილიელს „ბლანკოსის“ წინააღმდეგ არაერთხელ უთამაშია. თუ დანი მაღალ ტემპში ითამაშებს „მერენგების“ ფეხბურთელები აუცილებლად შეწუხდებიან.“
- 5 მარტი 2018
- 4 849
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
