ფრანგულ გამოცემებზე დაყრდნობით, უნაი ემერის ნეიმართან ერთად კიდევ ერთი ლიდერი გამოაკლდა და „პსჟ“ მადრიდის „რეალთან“ მატჩის წინ ძალიან სერიოზული პრობლემების წინაშე დადგა...

სრული ყურადღება ნეიმარზეა გადატანილი, მაგრამ მედიკოსთა ჯგუფს დამატებითი სამუშაოც აქვს.

საქმე ეხება მარკინიოსს, რომელმაც „მარსელთან“ შეხვედრაში ბარძაყი დაიზიანა და მისი მოედანზე გასვლა „რეალთან“ საეჭვოა.

მარკინიოსი „პსჟ“-ს დაცვაში საკმაოდ სოლიდურ ფიგურად ითვლება და მისი არყოფნის შემთხვევაში, პარიზელებს „რეალის“ წინა ხაზის გაჩერება კიდევ უფრო გაუჭირდებათ.