„რეალი“ გატანილი გოლებით „ბარსელონას“ გაუთანაბრდა
ზუსტად 2 თვის წინ ამის წარმოდგენა ალბათ შეუძლებელი იყო, მაგრამ სახეზე გვაქვს აშკარა პროგრესი და რეალობა, რომელიც ზინედინ ზიდანის გუნდმა აჩვენა...
„ალავესთან“ გატანილი 4 გოლის წყალობით, ზინედინ ზიდანის გუნდს მხოლოდ ლა ლიგაში 62 გატანილი გოლი დაუგროვდა და ამ მაჩვენებლით კატალონიის „ბარსელონას“ გაუთანაბრდა, რომელსაც ანალოგიური რაოდენობით ბურთები აქვს გატანილი.
თუმცა უნდა აღინიშნოს, რომ ერნესტო ვალვერდეს გუნდს 1 მატჩით ნაკლები აქვს ჩატარებული. კატალონიელებს „ჟირონასთან“ დერბის გამართვა მოუწევთ.
ამასთან ერთად აუცილებელად უნდა აღინიშნოს, რომ „ბარსელონას“ საკუთარ კარში მხოლოდ 11 გოლი აქვს მიღებული, „რეალი“ კი ამ კომპონენტში მოიკოჭლებს. ზიზუს გუნდის კარში ლა ლიგის 25 მატჩში 27 გოლი გავიდა, რაც თავისთავად ძალიან ცუდ შედეგად შეგვიძლია მივიჩნიოთ.
- 24 თებერვალი 2018
- 6 972
- 12