კრიშტიანო რონალდუსთვის „ალავესთან“ გატანილი გოლები რა თქმა უნდა მნიშვნელოვანი იყო, ვინაიდან პორტუგალიელმა ფეხბურთელმა „რეალის“ გამარჯვებაში უდიდესი წვლილი შეიტანა. ზიზუს გუნდმა მორიგი 3 ქულა მოიპოვა და აშკარაა, რომ ფორმაში შედის, თუმცა ეს ყველაფერი არ არის...

„ალავესთან“ გატანილი მეორე გოლი ლა ლიგაში რიგით მე-300 გამოდგა.

აღსანიშნავია, რომ 300 გოლის გასატანად კრიშტიანოს 285 მატჩი დასჭირდა. მისი საშუალო მაჩვენებელი თითო მატჩში 1.05 გოლი გახლავთ.

ლა ლიგის ისტორიის საუკეთესო გოლეადორი ლიონელ მესია. არგენტინელი ფეხბურთელის ანგარიშზე 368 გოლია, თუმცა უნდა აღინიშნოს, რომ ამდენი გოლის გასატანად ლეოს 406 პაექრობა დასჭირდა. ლიონელს თითო მატჩში საშუალოდ 0.90 გოლი გააქვს და ამ მაჩვენებლით კრიშტიანოს ჩამორჩება.