ფრანგული გამოცემები აქტიურად იუწყებიან, რომ მადრიდის „რეალის“ ხელმძღვანელობამ „პსჟ“-სგან ძალიან უცნაური შემოთავაზება მიიღო...

ფრანგული კლუბის ხელმძღვანელობა მზად არის სამეფო კლუბის ახალგაზრდული გუნდის წევრში 20 მილიონი ევრო გადაიხადოს, რაც იქნება რეკორდული თანხა, ვინაიდან სამეფო კლუბს ახალგაზრდული კოლექტივიდან ამხელა ფასად არასდროს არავინ გაუსხვისებია.

საქმე ეხება პაბლო როდრიგეს დელგადოს, რომელსაც 18 წელი სულ მალე უსრულდება.

მადრიდში დელგადოს გადაყვანას „კასტილიაში“ აპირებდნენ, თუმცა როგორც სჩანს, გეგმები შესაძლოა შეიცვალოს, ვინაიდან პარიზელთა ინტერესი დიდია, ისინი პაბლოში დიდ პოტენციალს ხედავენ.

ახალგაზრდა მოთამაშე ფორვარდის პოზიციაზე თამაშობს, მისი სიმაღლე 177 სანტიმეტრია და განსაკუთრებული მოქნილობით გამოირჩევა.

დაველოდოთ მოვლენათა განვითარებას...