კატალონიის „ბარსელონას“ ნახევარმცველი, ივან რაკიტიჩი ლონდონის „ჩელსისთან“ სათამაშოდ ემზადება. ხორვატ ფეხბურთელს მადრიდის „რეალისა“ და „პსჟ“-ს დაპირისპირების შესახებ ჰკითხეს...

„პირველი მატჩის წინ უნაი ემერის გუნდზე ძალიან დიდი ზეწოლა მოდიოდა, ვინაიდან „პსჟ“-სგან ყველა გამარჯვებას ელოდა, თუმცა უნდა აღინიშნოს, რომ სანტიაგო ბერნაბეუზე მოგება ასე იოლი არ არის.“

„მეორე მხრივ, მადრიდის „რეალიც“ დიდი ზეწოლის ქვეშ იყო, ვინაიდან ამ გუნდმა ზედიზედ ორჯერ შეძლო ჩემპიონთა ლიგის მოგება და ტურნირიდან 1/8 ფინალში გამოთიშვა ნამდვილად არ შედის „დედაქალაქელთა“ გეგმებში.“

„დაფიქსირდა ანგარიში, რომელიც ხელს „რეალს“ აძლევს. „პსჟ“ შანსებს ინაჩუნებს, მაგრამ „რეალი“ ჩემპიონთა ლიგის ნომერი პირველი ფავორიტია.“