ლონდონის „ჩელსის“ ბელგიელმა წინახაზელმა, ედენ აზარმა მადრიდის „რეალისა“ და „პსჟ“-ს შეხვედრაზე საინტერესო განცხადება გააკეთა, რამაც დიდი ინტრიგა დათესა...

„რა თქმა უნდა, ვუყურე მატჩს, რომელიც ბერნაბეუზე გაიმართა. შეუძლებელია ფეხბურთი გიყვარდეს და ასეთი დაპირისპირების ხილვის შანსი ხელიდან გაუშვა.“

„მე გარკვეული დასკვნები გამოვიტანე. ამ მატჩში ბევრი რამის გაანალიზება შეიძლებოდა. „პსჟ“ დიდი გუნდია, მაგრამ კარგად დავინახეთ, რომ ისტორიას, ტრადიციებს და გამოცდილებას ჩემპიონთა ლიგაზე სერიოზული ფასი აქვს.“

„„რეალში“ გადასვლა? მართლაც რთულია ამ კლუბზე უარის თქმა, თუმცა ამ ეტაპზე ინგლისიდან წასვლაზე არ ვფიქრობ. ბედნიერი ვარ ლონდონში, ჩემი ოჯახი აქ ცხოვრებას შეეგუა.“