ზიდანი:„ყველასათვის მოულოდნელად დიდი პრობლემა შეგვექმნა“
ზიდანმა „ბეტისთან“ შეხვედრის წინ პრესკონფერენცია გამართა...
„ჩემპიონთა ლიგაზე გამარვება შესანიშნავი იყო, ახლა კი ლა ლიგაზე გადმოვერთეთ. ფეხბურთელებმა „პსჟ“-სთან მატჩის შემდეგ ერთი დღე დაისვენეს, დღეს კი ფინალური ვარჯიში გავმართეთ და „ბეტისთან“ სათამაშოდ მზად ვართ.“
„„ბეტისი“ კონკურენტუნარიანი გუნდია. სევილიური კლუბი საშინაო არენაზე ყოველთვის ანგარიშგასაწევ ძალას წარმოადგენს. საკმაოდ რთული მეტოქე გვყავს.“
„ფრანგულ კლუბზე აღარ ვისაუბროთ. ემერის გუნდთან შეხვედრამდე ლა ლიგაში 5 მატჩის ჩატარება გვიწევს.“
„პროფესიონალები ვართ და ემოციების არასდროს ვყვებით. „ლეგანესთან“ მარცხი ნამდვილი შოკი იყო, თუმცა არ მოვეშვით და მუშაობა გავაგრძელეთ. ლა ლიგაში სიტუაცია შესაცვლელია, ყველაფერს გავაკებთ შეცდომების მინიმუმამდე დაყვანისთვის.“
„ძალიან მომწონს და ვაფასებ შემართულ ფეხბურთელებს. მე მყავს მარსელო. ფეხბურთელი, რომელიც არასდროს ნებდება, ყოველთვის ბოლომდე იბრძვის და გამარჯვებისთვის არის მოწოდებული. მარცხენა მცველმა იცის თავის საქმე.“
„რონალდუ? კრიშტიანო ნამდვილილი მებრძოლი და თვითდაჯერებული სპორტსმენია.“
„შესაძლოა მოვიდეს დრო, როდესაც მადრიდს დავტოვებ, მაგრამ ამაზე არ ვფიქრობ, ჩემი მიზანი კლუბის გაწვრთნა და უმაღლესი მწვერვალების დაპყრობაა, სხვა დეტალებზე არ ვფიქრობ.“
„„პსჟ“-სთან მოგებით ყველა ბედნიერი იყო, მაგრამ უცებ ძალიან დიდ პრობლემას წავაწყდით, ტონი კროოსმა ტრავმა მიიღო. გერმანელმა აღდგენითი კურსი უკვე დაიწყო და ვიმედოვნებ, დაგეგმილზე ადრე დაბრუნდება.“
„მარკო ასენსიო უდავოდ ნიჭიერი ფეხბურთელი. ჩვენ ერთ ნავში ვსხედვართ, ერთი მიზნისთვის ვიბრძვით. დარწმუნებული ვარ, ესპანელი „ბლანკოსში“ მრავალ წელიწადს გაატარებს და კლუბის უდავო ლიდერად ჩამოყალიბდება.“
- 18 თებერვალი 2018
- 9 369
- 25