მადრიდის „რეალს“ და „პსჟ“-ს არც ისე გამოცდილი მწვრთნელები ჰყავთ, მაგრამ ფაქტია, რომ ორივე მათგანის ხელში კლუბები დიდ პროგრესს აჩვენებენ...

ზიზუ დიდ ფეხბურთი 2 წელია ჩაერთო და უკვე ორჯერ შეძლო ჩემპიონთა ლიგის მოგება, რასაც მოჰყვა ევროპის სუპერთასები, ესპანეთის სუპერთასი, მსოფლიო საკლუბო მუნდიალი და ასე შემდეგ.

ემერის სტატისტიკა ასეთივე ეფექტური არ არის, მაგრამ მას „სევილიას“ რიგებში ევროსარბიელზე წარმატებისთვის მიუღწევია, გარდა ამისა ის წარმატებულია საფრანგეთის ჩემპიონატში და გაცილებით დიდ გამოცდილებას ფლობს, ვიდრე ზიზუ, თუმცა უნდა აღინიშნოს, რომ განსაკუთრებული სტაჟით არც ის გამოირჩევა.

ექსპერტებს ეჭვი არ ეპარებათ, რომ მწვრთნელების გადაწყვეტილებები ორმატჩიანი დუელის საბოლოო შედეგზე დიდ ზეგავლენას იქონიებს.

ხვალ კიდევ ერთხელ გამოჩნდება უნდა დარჩეს თუ არა ზიზუ „რეალში“ და ემერი „პსჟ“-ში. დიდი ალბათობით, სეზონის ბოლოს სწორედ ის მწვრთნელი დატოვებს საკუთარ კლუბს, რომელიც 1/8 ფინალს წააგებს.