ზიდანი:„ეს ფეხბურთელი აუცილებლად ითამაშებს „რეალში““
ზინედინ ზიდანმა „ლევანტესთან“ მატჩისწინა პრესკონფერენცია გამართა...
„წინ მნიშვნელოვანი თამაშია. ლა ლიგაში არასახარბიელო მდგომარეობა გვაქვს, ამიტომ აუცილებლად უნდა გავიმარჯვოთ.“
„„პსჟ“? მერწმუნეთ, ჩვენ ჯერ არ ვფიქრობთ ჩემპიონთა ლიგაზე, სრული კონცენტრაცია ხვალინდელ დღეზე გვაქვს გაკეთებული.“
„მე მჯერა ჩემი გუნდის, თითოეულ ფეხბურთელს ბრმად ვენდობი.“
„BBC? იდეალური ვარიანტია მაშინ, როდესაც გარეთ ბეილი და კრიშტიანო რონალდუ ფრანგებზე არიან განაწილებულნი, წინ კი კარიმ ბენზემაა.“
„ენთუზიაზმი კვლავაც დიდია. ეს მომენტი ჰგავს იმ მომენტს, როდესაც მთავარ მწვრთნელად მოვედი. ქულათა სხვაობა საკმაოდ დიდი იყო. მართალია, ლა ლიგა ვერ მოვიგეთ, მაგრამ „ბარსელონას“ მცირედით ჩამოვრჩით და ჩემპიონთა ლიგაზე მივაღწიეთ წარმატებას. ანალოგიურ სცენარზე უარს არც ახლა ვიტყოდი.“
„თუ დაცვაში ზუსტად ვითამაშებთ და მომენტებს არ გავანიავებთ „ლევანტეს“ აუცილებლად დავამარცხებთ.“
„ისკოს ირგვლივ ყოველთვის ტრიალებს ჭორები. ესპანელმა ძალიან კარგად იცის, რომ გუნდს სჭირდება. ის, რომ ისკო მუდმივად სასტარტოში არ არის იმიტომ ხდება, რომ კონკურენცია ძალიან დიდია.“
„სერხიო რამოსის აღდგენითმა პროცესმა ყველა გაგვაკვირვა, ის ჩვენს განკარგულებაშია.“
„იმედი დაკარგული არ არის. მე კიდევ ვფიქრობ ლა ლიგაზე.“
„ვინიციუსი? ეს ფეხბურთელი აუცილებლად ითამაშებს მადრიდის „რეალში“.“
„„პსჟ“-სთან მატჩში აუცილებელი იქნება ინტენსივობა და ყურადღებით ასპარეზობა. 2 კვირის განმავლობაში კიდევ ბევრ ასპექტს გავაუმჯობესებთ.“
„ის, რომ ჩემი შემცვლელების შესახებ არაერთი ინფორმაცია იწერება მუშაობის სურვილს არ მიკლავს. მე „რეალის“ მწვრთნელი ვარ და იქამდე მექნება დიდი ამბიცია, სანამ ამ პოზიციას შევინარჩუნებ.“
„მთავარია, რომ ყველა მატჩზე გავამახვილოთ ყურადღება. მოტივაციის ნაკლებობას ნამდვილად არ განვიცდით. „პსჟ“-სთან მატჩზე ფიქრის დროც მოვა, მანამდე კი კარგად უნდა მოვემზადოთ და არსებული მატჩები კარგად ჩავატაროთ.“
- 2 თებერვალი 2018
- 9 355
- 8