ზიდანი:„ხვალვე დავტოვებ „რეალს“, თუ „ბლანკოსისთვის“ ეს კარგი იქნება“
ზინედინ ზიდანმა „ვალენსიასთან“ მატჩის წინ პრესკონფერენცია გამართა...
„დარწმუნებული ვარ, ჩემ ფეხბურთელებს სიტუაციის შეცვლა შეუძლიათ. ვეცდებით, „ვალენსია“ დავამარცხოთ და 3 ქულა მოვიპოვოთ.“
„უნდა ვიყუროთ წინ და ვეცადოთ, რომ გულშემატკივართა გულები მოვიგოთ. მოხარული ვიქნები, თუ „რეალი“ წლის საუკეთესო მატჩს სწორედ „მესტალიაზე“ გამართავს. ჩვენ ეს შეგვიძლია. მეტოქე მართლაც ძალიან ძლიერია, მაგრამ უნდა ვიბრძოლოთ.“
„ჩემი აზრით ყველაფრის შეცვლა შეიძლება. „ბლანკოსმა“ ლა ლიგაში კიდევ 19 მატჩი უნდა ითამაშოს. ეს არის ის დრო, როდესაც ჩვენ შევძლებთ ვითარების რადიკალურად შეცვლას.“
„პრეზიდენტს პირისპირ ვესაუბრე, ის მენდობა და მხარდაჭერას მიცხადებს. ფლორენტინომ დიდი ნდობა გამოუცხადა ფეხბურთელებსაც. ერთმუშტად შეკვრა აუილებლად მოიტანს იმ შედეგებს, რომელიც საჭიროა, რომ დადგეს.“
„მომავალზე უნდა ვიფიქროთ და პოზიტივით დავიტვირთოთ. მიმდინარე დღეებში ურთულესი კრიტიკა დაგვატყდა თავს.“
„დღევანდელი დღით ვცხოვრობ და ვერ დავიწყებ იმაზე ფიქრს დავრჩები თუ არა მთავარი მწვრთნელის პოსტზე. ჩემი მოვალეობა გუნდის მომზადებაა. არ ვიცი დავრჩები თუ არა, ყველაფერს მალე შევიტყობთ.“
„კრიშტიანო რონალდუს პრობლემა არ აქვს, ის ხვალ აუცილებლად ითამაშებს.“
„თუ „რეალს“ დავტოვებ და ამ გუნდის საქმე კარგად წავა, მზად ვარ ხვალვე ჩავალაგო ბარგი, თუმცა ვთვლი, რომ ჩემი წასვლა პრობლემას ვერ მოაგვარებს, წარმატების გასაღები ერთიანობა და მუშაობაა. ჩვენ შეგვიძლია ვითამაშოთ ისეთი ფეხბურთი, როგორსაც სეზონის სტარტზე ვთამაშობდით.“
- 26 იანვარი 2018
- 6 826
- 17
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
