ესპანური გამოცემები არაერთ ინფორმაციას ავრცელებენ, რომელიც მადრიდის „რეალის“ ტრანსფერებს შეეხება...

რობერტ ლევანდოვსკი, ჰარი კეინი, კილიან მბაპე, ნეიმარი, ედენ აზარი და სხვები - ამ ფეხბურთელების გვარებს „რეალს“ აქტიურად უკავშირებენ.

სხვადასხვა გამოცემა კი იუწყება, რომ ფლორენტინო პერესი სრულიად BBC-ს ჩანაცვლებას აპირებს და გუნდში ედენ აზარის, ლევანდოვსკისა და ნეიმარის მოყვანა აქვს განზრახული.

რა დაჯდება ახალი პროექტი? ექსპერტების აზრით, წინა ხაზის სამეულის ცვლილებისთვის, მადრიდის „რეალმა“ მინიმუმ 400 მილიონი ევრო უნდა გამოყოს, რაც ბევრისთვის სიგიჟეა, ბევრისთვის კი რეალობა.

გარდა ამისა აქტიურად მიუთითებენ, რომ „რეალმა“ გაშვებული ფეხბურთელების სანაცვლოდაც დიდი თანხა უნდა მიიღო.

პერესი მზად არის, რონალდუ „პსჟ“-ს ან „მანჩესტერს“ დაუთმოს, თუ მის სანაცვლოდ 100 მილიონს მიიღებს, ანალოგიური ფასი აქვს გარეთ ბეილსაც, კარიმ ბენზემას სანაცვლოდ კი „მერენგებს“ 50 მილიონი ევროს მიღება აქვთ მიზნად დასახული.

გამოდის, რომ „ბლანკოსი“ ზაფხულში ყველაზე აქტიური გუნდი უნდა გახდეს, თუმცა რამდენად მოხერხდება ყველაფერი ზემოხსენებულის რეალობაში გადატანა რთული სათქმელია, ამიტომ დაველოდოთ მოვლენათა განვითარებას...