„რეალი“ იანვრის ბოლომდე 2 ფეხბურთელს ემშვიდობება
ესპანურ გამოცემებზე დაყრდნობით, მადრიდის „რეალის“ ხელმძღვანელობამ, მთავარ მწვრთნელთან - ზინედინ ზიდანთან მოლაპარაკებების შემდეგ გადაწყვეტილება მიიღო, რომლის მიხევითაც, მიმდინარე წლის იანვრის თვის ბოლომდე სამეფო კლუბს ორი ფეხბურთელი გამოემშვიდობება...
„სელტასთან“ შეხვედრაში ზინედინ ზიდანმა მარკოს ლორენტე და ახალწვეული დანი სებალიოსი საერთოდ არ შეიყვანა განაცხადში.
კულუარული ინფორმაციით, სებალიოსს გარკვეული პრეტენზიები აქვს და თვლის, რომ მეტ სათამაშო დროს იმსახურებს და მუდმივად „თამაშგარეში“ ყოფნა მის პროგრესს ხელს შეუშლის.
სებალიოსის დაბრუნება ყოფილ კლუბს სურს. „რეალი“ „ბეტისთან“ ინტენსიურ მოლაპარაკებებს აწარმოებს. საქმე ეხება წელიწადნახევრიან იჯარას. ფლორენტინო პერესს სურს, რომ ფეხბურთელი კლუბს 2019 წელს დაუბრუნდეს.
რაც შეეხება მარკოს ლორენტეს. ახალგაზრდა ნახევარმცველზე პრეტენზიას „ლეგანესი“, „ეიბარი“ და „ლევანტე“ აცხადებენ.
ვნახოთ, რა გადაწყვეტილებას მიიღებს სამეფო კლუბში საბოლოოდ.
- 7 იანვარი 2018
- 5 989
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
