კაკა: "დიდებულ გუნდთან საპაექროდ ვემზადებით"
მადრიდის "რეალის" ფეხბურთელმა, კაკამ, "უეფა.ქომ"-თან საუბრის დროს განაცხადა, რომ მისი ოცნებაა "ბერნაბეუს" ფინალში მონაწილეობის მიღება.
"ჩვენთვის, ლიგის მეათე ტიტულის მოგების პერსპექტივა "სანტიაგო ბერნაბეუზე" უნდა იყოს მოტივაცია და არა ვალდებულება.თუ ჩვენ ამას ვალდებულებათ ჩავთვლით, მაშინ ძალიან რთულად წავა ყველაფერი."
"რასაკვირველია, "ბერნაბეუს" ფინალში მონაწილეობის მიღება ჩემი ოცნებაა, რამეთუ ძალიან მცირეა იმ კლუბების რაოდენობა, რომლებმაც ამ პრესტიჟული ტურნირის ფინალი მშობლიურ არენაზე ითამაშეს.ფინალურ მატჩში გამარჯვებაც მომიპოვებია და დავმარცხებულვარ კიდეც.სწორედ წაგების შემდეგ ხვდები, თუ რა რთული გზა უნდა გაიარო შემდეგ წელს, რათა კვლავ აღმართო ეს თასი."
"ლიონი" საფრანგეთის პირველობაზე არცთუ ისე კარგად გამოიყურება, თუმცა ამას ვერ ვიტყვით ჩემპიონთა ლიგის შეხვედრებზე.კონტინენტის საკლუბო პირველობა, ნებისმიერ გუნდს უცვლის მოტიაციას.სამეფო გუნდი ემზადება, რათა ღირსეულად ითამაშოს ევროპის ერთ-ერთი პრესტიჟული გუნდის წინააღმდეგ."
- 9 მარტი 2010
- 2 039
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
