როგორც მოგეხსენებათ, 2010 წლის ჩემპიონთა ლიგის ფინალი "სანტიაგო ბერნაბეუზე" შედგება.რამდენიმე დღის წინ, მადრიდში შედგა ფინალზე დასასწრები ბილეთის პრეზენტაცია.

ფეხბურთელები და საპატიო სტუმრები მადრიდის ერთ-ერთ სასახლეში შეიკრიბნენ ბილეთის პრეზენტაციისათვის.აღსანიშნავია, რომ სამეფო გუნდის მხრიდან რაული და კრიშტიანუ რონალდო იღებდნენ მონაწილეობას ამ ცერემონიაში.

საღამოზე გაირკვა, რომ ფართო აუდიენციას (კონკრეტულად 11 ათას ქომაგს), 8-დან 19 მარტამდე შეეძლებათ ინტერნეტის საშუალებით ბილეთის შეძენა, ხოლო უშუალოდ ფინალში მონაწილე კლუბების გულშემატკივრებისათვის 21-21 ათასი ბილეთი დაიბეჭდება.

ნიშანდობლივია, რომ 22 მაის გასამართი შეხვედრა, პირველი ფინალი იქნება, რომელიც არა ოთხშაბათს, არამედ შაბათს გაიმართება.