ზინედინ ზიდანის მადრიდის „რეალი“ განსაკუთრებული შედეგიანობით გამოირჩევა...

„სევილიას“ კარში კრიშტიანო რონალდუს მიერ გატანილი პირველი გოლი რიგით მესამასე აღმოჩნდა, საერთო ჯამში კი ამ წუთის მდგომარეობით ზინედინ ზიდანის „ბლანკოსს“ 303 გოლი აქვს გატანილი, რისთვისაც გუნდს 113 შეხვედრა დასჭირდება. აღსანიშნავია, რომ თითოეულ შეხვედრაში ფრანგი ფეხბურთელის დამოძღვრილი გუნდი საშუალოდ 2.68 ბურთს იტანს.

303-იდან 199 გოლი ლა ლიგაზე მოდის, 62 ჩემპიონთა ლიგაზე, დანარჩენი კი სხვადასხვა გათამაშებაზე.

113 შეხვედრაში ზიზუს გუნდმა 82-ჯერ გამარჯვებას მიაღწია, 21-ჯერ ფრეს დასჯერდა, ხოლო 10-ჯერ დამარცხდა.