დღევანდელი დღე კრიშტიანო რონალდუსთვის ძალიან მნიშვნელოვანი იქნება. გარდა იმისა, რომ „რეალი“ „დორტმუნდის“ ბორუსიას დაუპირისპირდება და კრიშტიანოს კარგი თამაში გამოადგება, ეს იქნება ისტორიული პაექრობა იმ შემთხვევაში, თუ „შვიდიანი“ გოლის გატანას შეძლებს...

გერმანელთა კარის აღების შემდგომ პორტუგალიელი გახდება მსოფლიო ფეხბურთის ისტორიაში ერთადერთი ფეხბურთელი, რომელიც ჯგუფური ეტაპის ექვსივე შეხვედრაში შეძლებს გოლის გატანას.

გუშინდელი მდგომარეობით ამის შანსი ბრაზილიელ ნეიმარსაც ჰქონდა, მაგრამ „პსჟ“-ს ლიდერი მიუნხენის „ბაიერნთან“ ვერაფერს გახდა და ასპარეზი კრიშტიანოს მისცა.