მატეო კოვაჩიჩმა „დორტმუნდთან“ შეხვედრის წინ პრესკონფერენცია გამართა...

„ჩვენი სურვილი მხოლოდ გამარჯვებაა. როდესაც მოედანზე გავდივართ ყოველთვის მოგებისთვის ვიბრძვით.“

„ევროპაში საუკეთესო გუნდი გვყავს და ბრძოლა უნდა განვაგრძოთ. „ბილბაოსთან“ არ გაგვიმართლა და 0-0 დავასრულეთ, თუმცა დანებებას არ ვაპირებთ და მაქსიმალურად ვეცდებით, უმოკლეს დროში მივაღწიოთ სასურველ შედეგებს.“

„ეს ფეხბურთია, სადაც დაზიანებებს ვერ აცდები. ტრავმა სრულად განიკურნა და მაქსიმალურად ვიტვირთები. მიხარია, რომ მადრიდის „რეალის“ ღირსებას ვიცავ. კლუბის, რომელმაც ძალიან დიდი გამოცდილება შემძინა.“

„მე აქ ძალიან ბევრი სასარგებლო რამ გავიგე. ბევრი რამ ვისწავლე. ზიზუ ნახევარმცველებს ყოველთვის სთხოვს, რომ იყვნენ მობილიზებულები როგორც თავდასხმაში, ასევე ნახევარდაცვასა და დაცვაში. მიუხედავად იმისა, რომ სასტარტო შემადგენლობაში ხშირად ვერ ვხვდები, დიდ გამოცდილებას ვიღებ, რაც დიდ იმედს მაძლევს.“

„კრიშტიანო რონალდუ მსოფლიოს საუკეთესო ფეხბურთელია. არავის შეუძლია ის, რაც პორტუგალიის ნაკრების წინახაზელს. მან 2017 წელს უამრავი გოლის გატანა შეძლო და დარწმუნებული ვარ, მიმდინარე სეზონის ბოლოსაც მოიწონებს ამ მაჩვენებლით თავს.“

„ტრანსფერები? ეს ჩემი საქმე არ არის. მწვრთნელი ფეხბურთის თამაშს გვავალებს და არა სატრანსფერო საკითხების მოგვარებას.“

„იკარდის ტრანსფერი? მაუროს კარგად ვიცნობ. თუ მას დავიმატებთ ძალიან გავძლიერდებით.“

„ბენზემას საუკეთესო ფორვარდად მივიჩნევ.“