მადრიდის „რეალის“ კაპიტანი, სერხიო რამოსი გახდა ესპანეთის ისტორიაში პირველი ფეხბურთელი, რომელსაც ძალიან, ძალიან ცუდი შედეგი აქვს, რომელიც მის რეპუტაციაზე პირდაპირ აისახება...

მოგეხსენებათ, „შენიღბულმა“ კაპიტანმა „ბილბაოსთან“ „სან მამესზე“ გამართულ შეხვედრაში წითელი ბარათი მიიღო.

ეს გახლდათ კარიერაში 24-ე წითელი ბარათი, ხოლო „რეალსა“ და „სევილიაში“ მე-19, რითიც რამოსი აბსოლუტურად უპრეცენდენტო შედეგის ავტორი გახდა.

ესპანეთის მდიდარ საფეხბურთო ისტორიას მსგავსი პრეცენდენტი არ ახსოვს. არცერთ ფეხბურთელს ამდენი წითელი ბარათი არასდროს არ მიუღია.

საერთო ჯამში 541 კარიერული მატჩიდან სერხიომ 24-ჯერ დატოვა მწვანე მინდორი. საშუალო მაჩვენებლის მიხედვით, კაპიტანი ყოველ 22-ე დაპირისპირებაში იღებს წითელ ბარათს.