უკვე ცნობილია მსოფლიოს საკლუბო ჩემპიონატის განრიგი. მოგეხსენებათ, მადრიდის „რეალი“ მუნდიალზე ნახევარფინალიდან ჩაერთვება...

პირველი მატჩი 13 დეკემბერს შედგება. „ბლანკოსის“ მეტოქე Al-Jazira/Auckland City/Urawa Red Diamonds-ს შორის რომელიმე გუნდი იქნება. პაექრობა სტარტს თბილისის დროით 21:00 საათზე აიღებს.

16 დეკემბერს შედგება ბრძოლა მესამე ადგილისთვის და ფინალისთვის.

იმ შემთხვევაში თუ „ბლანკოსი“ ნახევარფინალს წააგებს, მესამე ადგილისთვის მატჩს 18:00 საათზე გამართავს, ფინალში გასვლის შემთხვევაში კი პაექრობა 21:00 საათზე ჩაინიშნება.

17 დეკემბერს დედაქალაქელები ესპანეთში დაბრუნდებიან და „ელ კლასიკოსთვის დაიწყებენ მზადებას. შეგახსენებთ, „ბარსელონასთან“ შეხვედრისთვის ზიდანს მოსამზადებლად 5 დღე ექნება.