გუშინ საღამოს, "სანტიაგო ბერნაბეუზე" შეკრებილმა პუბლიკამ ძალიან საინტერესო შეხვედრა იხილა, შეიძლება ითქვას საუკუნის მატჩიც... მადრიდელებმა არამარტო "სევილია" გაასწორეს მიწასთან და არამარტო ლა ლიგის ლიდერის ფუნქციები შეითავსეს, არამედ კლუბის დაარსებიდან 108 წლის იუბილე დიდებული გამარჯვებით აღნიშნეს. მაშინ, როდესაც ანგარიში სტუმართა სასრგებლოდ 0–2 გახლდათ, ფანები ოვაციებს ვერ მალავდნენ, 'ინჩასები' გამარჯვებას ითხოვდნენ, იუბილეზე მარცხი ხომ მთელი მადრიდული სამყაროს სირცხვილი იქნებოდა... ასე და ამგვარად "თეთრებმა" – "თეთრი ბალეტი" აჩვენეს, "მეფეებმა" – ღირსეულად იმეფეს და თავდადებით დაიცვეს საკუთარი გუნდის ღრსება.