ალვარო ნეგრედოს დებიუტი ოფიციალურ მატჩებში სანტიაგო ბერნაბეუზე გუშინ შედგა, მაგრამ ხაზი უნდა გავუსვათ იმას, რომ მან არა რეალის ფორმით, არამედ "სევილიას" მაისურით შედგა ფეხი მადრიდელთა სტადიონზე.

ამ ზაფხულს, ნეგრედომ სამეფო კლუბიდან, "სევილიაში" ამოყო თავი 15 მილიონ ევროდ. სწორედ ამ კლუბის ფორმით შეძლო მან თავის საოცნებო მოედანზე ბურთის გორება.

გუშინდელ მატჩში, ალვაროს მიზანი იყო "რეალზე" გამარჯვების მოპოვება და კატალონიური კლუბის უნებლიედ დახმარება, მაგრამ ეს ყველაფერი პირიქით მოხდა. არადა ანდალუსიური კლუბი 0-2 იგებდა. პირველი გოლი კი, ნეგრედომ ხაბი ალონსოს თავის კარში გაატანინა.

ესპანელი ფორვარდი "ვიკინგების" მცველებთან ვერაფერს გახდა. რაულ ალბიოლს ევალებოდა მისი შეჩერება, რაც მადრიდელთა დაცვის ბურჯს კარგად გამოუვიდა.

ყოფილი პარტნიორები კი მას გულთბილად ექცეოდანენ. ალვარომ მადრიდის "რეალს" კარში საერთოდ ვერ დაარტყა და ცუდი თამაშის გამო 15 წუთით ადრე მატჩის დასრულებამდე იგი გამოცვალეს. თეთრმა პუბლიკამ კი ის დიდი ოვაციებით გააცილა.


ინფორმაციის წყარო:as.com