სამეფო კლუბის კაპიტანს არაერთი დადებითი თვისება აქვს, ის ფლობს უდიდეს ფიზიკურ ძალას, არის ძალიან სწრაფი, შესანიშნავად ირჯება მეორე სართულზე, ახერხებს გოლების გატანას და ასე შემდეგ, თუმცა „ბლანკოსის“ ოფიციალურმა ვებ-გვერდმა ძალიან საინტერესო სტატისტიკა გამოაქვეყნა, რომელიც ბევრისთვის გასაკვირი აღმოჩნდა...

ესპანელი ფეხბურთელი, ლა ლიგაში ყველაზე მეტი ზუსტი გადაცემით პირველ ადგილზეა და აღემატება ისეთ ფეხბურთელებს, როგორებიც ტონი კროოსი, ისკო ალარკონი, ბარსელონელი რაკიტიჩი და სხვები არიან. სერხიომ ლა ლიგის 11 ტურში 678 გადაცემას მოუყარა თავი. ამ მხრივ მეორე ადგილზე მადრიდში ისკო და კროოსი არიან, ისინი სულ მალე გადალახვენ 600-იან ბარიერს.