მადრიდის "რეალის" მეტოქე, "ლიონმა" მორიგი შეხვედრა გამართა ეროვნულ პირველობაზე.

ლიონელები 27-ე ტურში, სატურნირო ცხრილის ერთ-ერთ აუტცაიდერ "ბოულოგნეს" ესტუმრნენ.რაოდენ გასაკვირიც არ უნდა იყოს, მასპინძლებმა შეძლეს საკუთარი კარის მშრალად შენახვა და ნულოვანი ყაიმის გაგორება.

აღსანიშნავია, რომ კლოდ პუელმა აღნიშნულ შეხვედრაში ძირითადი შემადგენლობის რამდენიმე მოთამაშე დაასვენა.კონკრეტულად, ტულალანმა, პიანიჩმა და ლისანდრო ლოპესმა დაიწყეს შეხვედრა სათადარიგო სკამიდან.ბუნებრივია, მთავარი მწვრთნელის ეს საკადრო ცვლილებები გაოცებას არ იწვევს, რამეთუ ფრანგებს 10 მარტს ურთულესი შეხვედრა ელით "ბერნაბეუზე," სადაც ეცდებიან "ჟერლანზე" მიღწეული შედეგის დაცვას.

შეგახსენებთ, რომ "რეალისა" და "ლიონის" დაპირისპირება გაიმართება ოთხშაბათს, თბილისის დროით 23 საათსა და 45 წუთზე.მატჩის პირდაპირ ტრანსლიაციას "საქართველოს საზოგადეობრივი მაუწყებელი" განახორციელებს.